Учууталлар, үөрэнээччилэр БКЭ уларыйыыларын билистилэр

Муус устар 3-4 күннэригэр Дьокуускай куораттан, Үөрэх министиэристибэтиттэн үөрэх хаачыстыбатын кэтээн көрөр киин үлэһиттэрэ уонна БКЭ экспиэртэрэ Амма оскуолаларын учууталларыгар, үөрэнээччилэригэр семинардары уонна мунньахтары ыыттылар.

Ол курдук, Фролов Григорий Григорьевич профильнай математика, Харлампьева Аида Вячеславовна физика предметтэригэр Амма оскуолаларын учууталларыгар, үөрэнээччилэригэр семинардары уонна мунньахтары ыыттылар. Маны сэргэ, тустаах үлэһиттэр төрөппүттэри уонна оҕолору кытта көрсөн, быйылгы үөрэх дьылыгар БКЭ уларыйыыларын кэпсээтилэр. Чуолаан Амма улууһун 10-11 кылаас үөрэнээччилэрэ уонна 8-11 кылаас төрөппүттэрэ сырыттылар. Экзамеҥҥа сыһыаннаах долгутар, мунаарар ыйытыктарыгар хоруй ылан, хардарыта санаа атастаһан тарҕастылар.

Наталия Рязанская.

Читайте дальше