Россия араас муннуктарыгар оҕону саҥа, аныгы үөрэх көрүҥнэринэн сайыннарарга “Точка Роста” кииннэр көмө буолаллар. “Үөрэҕирии” национальнай бырайыак чэрчитинэн үлэлиир Киин Амма улууһун биир кырдьаҕас үөрэҕин тэрилтэтигэр – төрүттэммитэ 130 сылын бэлиэтиир И.И.Константинов — Дэлэгээт Уйбаан аатынан Сулҕаччы орто оскуолатыгар эмиэ үлэлиир. Үбүлүөйдээх сылга анаан оскуола иһинэн «Музейное око» бырайыак чэрчитинэн (ааптардар — оскуола түмэлин салайааччы Екатерина Михайлова, физика, информатика учуутала Розалия Винокурова уонна үөрэнээччилэр) мусуой экспонатын 3D киэбин оҥорууга сонун күрэх ыытылынна.
Манна сэттис, онус, уон биирис кылаас үөрэнээччилэрэ кытыннылар. Бастаан оҕолор нэһилиэк түмэлигэр баар иккилии экспонаттары талан ылан хаартыскаҕа түһэрдилэр, салгыы фотограмметрия программатын туһанан компьютерга экспонаттары модель оҥорон таһаардылар. Түмүккэ балаһыанньаҕа толору эппиэттиир модель оҥорон бастакы миэстэни 11 кылаас үөрэнээччитэ Максимов Максим 1 миэстэни ылыан ылла. Оскуола салалтата спонсордаан 3 тыһыынчалаах сертификаты бэлэх тутта. Иккис миэстэни 11 кылаас үөрэнээччитэ Слепцов Айхал, үһүс миэстэни онус кылаас үөрэнээччитэ Ксенофонтова Уйгууна ылан эмиэ сертификаттарынан наҕараадаланнылар. Сэттис кылаас үөрэнээччилэрэ Окороков Алгыс, Избекова Ангелина, Максимов Сандал, онус кылаас үөрэнээччитэ Протодьяконов Марк араас номинацияҕа тигистилэр.
Оҕолор саҥа, сонун тэрээһини астынан, үөрэн- көтөн тарҕастылар. Эһиил маннык хабааннаах күрэҕи улуус иһинэн ыытарга былааннанна. Быйыл кыттыбыт оҕолор эһиил оскуолаларын чиэһин көмүскүөхтэрэ диэн эрэнэбит.
Розалия Винокурова.