Аҕам саастаахтар көрсөн сэргэхсийдилэр

Эргэ Саҥа дьылы көрсө 2-Чакыр нэһилиэгэр «Саргыланнын саҥа 2025 сыл» Покровка, Болугур, Амма-Наахара уонна Чапчылҕан аҕам саастаахтарыгар аналлаах олус истиҥ, сэргэх бырааһынньык буолан ааста.

Бу күн пааранан үҥкүүгэ күрэх, сыл бэлиэтэ — Моҕой маскарадын күрэҕэ уонна «Дьикти түгэн» сүүйүү оонньонно. Олохтоох дьаһалта, кулууп тэрилтэтэ, социальнай үлэһиттэр бары бииргэ бырааһынньыгы былааннаахтык тэрийэннэр кэлбит дьон бары ыллаан-үҥкүүлээн астынан тарҕастылар.

Оттон күүтүүлээх сүүйүү кыайыылааҕынан Чакыр олохтооҕо Тимофеев Семен Иванович таҕыста.

Уопсайа бу күн Чакыр нэһилиэгэ 80-тан тахса киһини көрүстэ, сэргэхситтэ.

Саастаах дьоммутугар этэҥҥэ чэгиэн буолууну, уһун дьоллоох олоҕу баҕарабыт.

Дария ­Лукина.

Читайте дальше