Аҕам саастаах дьон күннэрин көрсө Амма нэһилиэгин дьаһалтата тыыл бэтэрээннэригэр уонна сэрии сылларын оҕолоругар биирдии куул хаппыыста биэрэр үтүө үгэстээхтэр. Маныаха түҥэтиигэ Амма нэһилиэгин түөлбэлэрэ күүс-көмө буолаллар.
«Алаас» түөлбэ бэрэссэдээтэлэ Петр Табунанов, солбуйааччыта Галина Чемезовалыын түөлбэ бэтэрээннэригэр дьаһалта бэлэҕин дьиэлэригэр илдьэн биэрэн соһуччу үөрүүнү бэлэхтээтилэр.
Тыыл бэтэрээннэрэ Варвара Стручкова, Галина Батурина, Александра Макарова, сэрии сылын оҕолоро Петр Павлов, Алексей Филиппов, Елена Черкасова уонна Меркурий Иванов биирдии куул сибиэһэй хаппыыста тутаннар махтал бастыҥ тылларын эттилэр.
Вера ИВАНОВА.