Амма лиссиэйин үөрэнээччилэрэ уонна учууталлара олунньу 19-21 күннэригэр Дьокуускай куоракка республикатааҕы Арктика оскуолаларын дебат оонньуутугар кыттан кэллилэр. Лиссиэйтэн барыта 3 хамаанда кыттыыны ылла.
Кыра лигаҕа 6 кылаастар: Денис, Георгий Петровтар, Тарабукин Петя, улахан лигаҕа 1 хамаанда: 9 кылаас үөрэнээччилэрэ Карамзин Ян, Макарова Рита, Шестаков Женя, тренердэрэ Наталья Сивцева, 2 хамааанда: 11-тэр Кононова Зарина, Павлова Аделина уонна 8 кылаас үөрэнээччитэ Давыдов Мирослав, тренердэрэ Елена Носова.
3 күн устата хамаандалар кампустарга олорон эрэ күрэхтэстилэр. Тыҥааһыннаах, уоттаах-төлөннөөх тыл этиилээх оонньууга республика араас муннуктарыттан барыта 19 хамаанда утарыта олорон киирстилэр. Сынньалаҥ кэмигэр оҕолор экскурсияларга сырыттылар, гитаранан ырыа киэһэтин ыыттылар, бэйэ-бэйэлэрин кытта ыкса билистилэр, оонньоотулар, үҥкүүлээтилэр.
Маннык үс күн бэрт сэргэхтик, биллибэккэ ааста. Түмүккэ лиссиэй икки хамаандата иккиэн 3 бастыҥ хамаанда иһигэр кыайыы өрөгөйүн биллилэр. Ол курдук, 2-с хамаанда маҥнайгы миэстэ уонна 1 хамаанда 3 миэстэ буоллулар. Улахан лигаҕа кыттыбыт Карамзин Ян, Кононова Зарина, Павлова Аделина, Давыдов Мирослав республика 10 бастыҥ дебатчыттарын ахсааннарыгар кииристилэр.
Дебакка кыттыбыт үөрэнээччилэр, учууталлар маннык оҕону тула өттүттэн сайыннарар, сытыы өттө киирстилээх дебат-оонньуулар сыл устата ыытылла турарыгар баҕа санааларын этэн араҕыстылар.
Наталия Рязанская.