Амма улууһугар ыраах сытар учаастактарга эрдэ быыбардааһын кулун тутар 7 күнүттэн саҕаламмыта. Ол курдук биир бастакынан Амма Наахара нэһилиэгэр киирсэр Лээги уонна Саһыл учаастактарын олохтоохторо буоллулар.
Амма улууһун территориальнай быыбардыыр хамыһыйатын бэрэссэдээтэлэ Наталья Алексеева иһитиннэрбитинэн ыраах сытар Лээги уонна Саһыл учаастагар эрдэ быыбардааһыҥҥа аҕыс киһи кыттыбыт. Кинилэр улууска бастакынан бу улахан суолталаах быыбарга бэйэлэрин баҕа санааларын биллэрбиттэр. Ол курдук Амма Наахаратааҕы 56№-дээх быыбардыыр учаастак бэрэссэдээтэлэ Наталья Ефремова, чилиэннэрэ Мария Захарованы, Данил Макаровы кытта тиийэннэр учаастакка олорор дьоҥҥо бары ирдэбили тутуһан быыбары ыыттылар.
“Амма олоҕо” хаһыат