Үлэ Геройа П.И. Яковлев аатынан Амма Наахара орто оскуолатыгар Сомоҕолоһуу күнүгэр интэриэһинэй тэрээһин ыытылынна. Манна үөрэнээччилэр бары көхтөөх кыттыыны ыллылар.
Сарсыардаттан оскуолабытыгар араас омуктар таҥастарын таҥнан кэллибит. Ол курдук кылаастарынан арахсан араас омуктар национальнай көстүүмнэрин кэтэн, бары өрө көтөҕүллэн сэргэхсийдибит. Үөрүүлээх линейка кэмигэр видеоролик көрөн баран, хамаанданан арахсан күрэхтэһии буолла. Ыйытыктарга эппиэттээн, оонньоон-көрүлээн элбэҕи, саҥаны биллибит-көрдүбүт. Атын омуктар хайдах олороллорун, ханнык тылынан кэпсэтэллэрин, үтүө үгэстэрин уонна да атыны ыкса билистибит, билиибитин хаҥаттыбыт.
Яна ЕГОРОВА, «ААРТЫК» медиакиин