Амма нэһилиэгэр уу хото мустар сирдэрин хорон түһэрии үлэтэ атырдьах ыйыттан саҕаланна. Билигин үлэ айар-сайдар киин таһыгар ыытыллар.
Бу туһунан Амма олохтоох дьаһалтатын тутууга исписэлииһэ Татьяна Дьяконова маннык сырдатар:
-Амматааҕы О.П. Иванова-Сидоркевич аатынан оҕо айар дьиэтин таһыттан Ленин уулуссатыгар диэри 147 миэтэрэ уһуннаах уу ханаабатын Михаил Галстян биригээдэтэ оҥорор. Оттон суоллары оҥорууга ъ урбаанньыт Николай Алексеев биригээдэтэ үлэлиир.
Айар-сайдар Киин таһыттан уонна Ленин уулуссатыгар ууну аһарар биэс турба угуллуохтаах. Быһатын эттэххэ, уу өрөспүүбүлүкэ суолталаах суолун туораан түһүөхтээх. Бу иннинэ Сэргэлээх уулуссатыгар бетоннаммыт ханааба оҥоһуллубута. Итиэннэ Цыкунов уулуссаҕа үлэ барар. Цыкунов уонна Курашов уулусса суоллара Тырааныспар министиэристибэтинэ үбүлээһининэн оҥоһуллалларр. Онтон уратылара олохтоох дьаһалта бэйэтин бүддьүөтүттэн көрүллэр. Инникитин даҕаны Курашов уонна Мир уулуссатын суолларыгар тутуу үлэтэ барыахтаах.
Артем ОСИПОВ.