Бүгүн чэпчэки атлетикаҕа өрөспүүбүлүкэ чемпионатыгар саха бастыҥ быһыйдара бэрт былдьаһа сылдьаллар. Бастакы күн түмүгүнэн, Амма сүүрүүктэрэ үс мэтээли ылары ситистилэр.
Ол курдук, бэтэрээннэргэ Дария Федорова үрүҥ көмүс мэтээли ылла. 1500 миэтэрэҕэ Айсенбег Черепанов уонна 400 миэтэрэҕэ Милена Белолюбская чөмпүйүөн буоллулар.
Маны сэргэ, ааспыт сылга Нижний Новгород куоракка Арассыыйа улахан марафонугар 100 килэмиэтиргэ бастаабыт Надежда Буту чиэстээннэр, норуоттар икки ардыларынааҕы маастар аатын иҥэрдилэр.
Амматааҕы спорт управлениетын салайааччыта Дмитрий Наумов этэринэн, Амма спортсменнара сарсын 200, 800 уонна 3 килэмиэтиргэ сүүрүөхтэрэ.
Олег Егоров.