1943 сыллаахха, Аҕа Дойду Улуу сэриитэ үгэннээн турдаҕына, улахан аччыктааһын, сутааһын саҕаламмытыгар аммалары бурдугунан хааччыйбыт, өлөр өлүүттэн быыһаабыт устар аал “Солобуода” бириистэнигэр кэлбитэ 80 сыла буолла. Бу бэлиэ күҥҥэ сүгүрүйэн балаҕан ыйын 3 күнүгэр “Амма-Олимп” стадионугар “Амма уонна ЛОРП: сөптөөх курс” кэнсиэр буолан ааста. Бырайыагы олоххо киллэриигэ үлэлээбит киһинэн Наталья Лукьянова буолар.
Амма улууһун 7 сыл салайан кэлбит бастыҥ салайааччыбыт Н.А. Архипов аатын үйэтитии үлэтэ тэрээһиннээхтик барар. Ол чэрчитинэн быйылгы үбүлүөйдээх сылга борохуот үлэһиттэрин кэллэктиибэ «РТ-776» суудунаҕа аҕа баһылыкпыт Николай Архипов аатын бу соторутааҕыта иҥэрбиттэрэ. «Николай Архипов» аатынан суудуна нэһилиэнньэ олоҕун хааччыйар анал таһаҕаһы, чох тааһы таһыыга үлэлиэхтээх. Маннык историческай бэлиэҕэ туһаайан Амма улууһа уонна Өлүөнэтээҕи Холбоһуктаах Өрүс Пароходствата иккиэн быстыспат ситимнээхтэрин өссө төгүл дохсун ытыс тыаһынан бигэргэттилэр.
Манна ыраас чаҕылхай күһүҥҥү күҥҥэ мустубут ыалдьыттары СӨ Бырабыыталыстыбатын бэрэссэдээтэлин солбуйааччы Ольга Балабкина, СӨ судаарыстыбаннай мунньаҕын норуодунай дьокутаата “Ленскэйдээҕи холбоһуктаах пароходство” аһаҕас акционернай уопсастыба генеральнай дириэктэрэ Сергей Ларионов, СӨ судаарыстыбаннай сүбэһитэ Вячеслав Штыров, Амма улууһун баһылыга Степан Кузьмин итии-истиҥ тылларынан эҕэрдэлээтилэр.
Үөрүү-көтүү, көр-нар аргыстаах үбүлүөйдээх тэрээһиҥҥэ ырыа-тойук дьиэрэйдэ, үҥкүү-битии тосхойдо. Кэнсиэргэ Амма вокальнай ансаамбыллара, эстрада чаҕылхай сулустара Милена Борисова, Далаана, Василий Пинигин, FLOW, Харысхан Мойтохонов, Владимир Боярскай, Петр Кулаковскай, DJAshimi, Тыас Уус кыттыыны ыллылар. Амма чаҕылхай сулуһа Милена Борисова урут Николай Архиповтыын уһуллан ыллаабыт бар дьон биһирэбилин ылбыт «Таптыыр Аммам» диэн ырыатын килиибин күөх экран нөҥүө көрдөрөн көрөөччүлэр дууһаларын таарыйда, сүрэхтэрин уйадытта. Оттон «Амма улууһун ыччатын өрөгөйүн ырыатын» Милена Борисова уонна Ванс Иванов Амма улууһун үҥкүүгэ композициятын айар кэллэктиибин тула киэргэтиилээх ыллаан дьиэрэттилэр. Маны таһынан Милена Борисова «Өрүү бииргэ» диэн төрөөбүт Амматын улууһун холбоһуктаах үлэтигэр анаабыт саҥа өрөгөйүн ырыатын сүрэхтээтэ. Аатырбыт «Кыыс Амма» диэн ырыаны Амма айар кэллэктиибин кэрэ куоларын толорууларыгар үҥкүү кэрэ абылаҥа турда, анал эстетическэй дуоһуйууну бэлэхтээтэ.
Кэнсиэр быыһыгар быыһыыр сырыы историятын туһунан кылгас киинэ уонна Н.А. Архипов үлэтин-хамнаһын туһунан сырдатар кадрдары көрдөрүү ахтылҕаннаах түһүмэҕэ буолан ааста. Сахабыт сирин кэрэ кэмигэр айар-тутар үлэлээх саҥа сайдыылаах олох аартыктарын арыйар “Өлүөнэтээҕи Холбоһуктаах Өрүс Пароходствота” уонна Амма улууһун үтүө түһүлгэтэ биһиги болҕомтобутугар түстэннэ. Кыттааччылар олохпут устуоруйатын биир бэлиэ күнүнэн эҕэрдэлээннэр ураты кэрэ киэһэни бэлэхтээтилэр.
Артем ОСИПОВ.