Дьокуускай куоракка олорор биир дойдулаахтарбытын түмэр “Амма түмсүү” уопсастыбаннай хамсааһын салайааччыта Александр Кузьмин Амма ыччаттарын түмэр “Күндүл” түмсүү активын кытта көрүстэ.
Күн бүгүн «Күндүл» ыччат уопсастыбаннай хамсааһынын М.К. Аммосов аатынан ХИФУ финансовай -экэнэмиичэскэй факультетын 2-с курсун устудьуонката Марина Попова салайар.
Оҕолор үөрэхтэрин таһынан араас хабааннаах уопсастыбаннай, култуурунай, спортивнай олоххо көхтөөх кыттыыны ылаллар. Александр Николаевич устудьуоннарга “Амма түмсүү” уопсастыбаннай хамсааһын суолтатын, үлэтин, былаанын туһунан сырдатта, түмсүү ыччаттарга инники олохторугар сайдыыга сирдиирин тоһоҕолоон бэлиэтээтэ. Студеннар көрсүһүүгэ араас суолталаах боппуруостары биэрдилэр, кинилэр көҕүлээһиннэрин өйүүргэ тустаах этиилэри киллэрдилэр. Инникитин “Амма түмсүү” салгыы устудьуоннары кытта ыкса үлэлэһии туһунан кэпсэттилэр.
“Амма түмсүү” актива