Лицей үрдүкү кылааһын үөрэнээччилэрэ уонна эр дьон учууталлар анал байыаннай дьайыыга сылдьар аҕалаах дьиэ кэргэттэргэ уонна ветеран учууталларга муус киллэрдилэр. Бу үтүө санаа аахсыйата иккис сылын салҕанна.
Ол курдук алтынньы 2 күнүгэр 10 кылаас уолаттара учууталларын кытта Уһун Күөлгэ муус ылыытыгар сырыттылар. Уолаттар учууталларын сүбэтинэн, ветеран учуутал Неустроев Дмитрий Афанасьевич алгыһынан, сахалыы өбүгэ саҕаттан кэлбит үлэҕэ-хамнаска үөрэннилэр.
Муус ылааччылар сарсыарда эрдэттэн үлэлээн барыта 6 анал байыаннай дьайыыга сылдьар аҕалаах дьиэ кэргэттэргэ уонна 7 ветеран учууталларга биирдии массыына мууһу тэлгэһэлэригэр дылы тиэйэн, дьаарыстаан биэрдилэр.
Массыынанан мууһу таһыыга лиссиэй иһинэн үлэлиир «Аҕалар түмсүүлэриттэн» төрөппүт Марков Василий Дмитриевич улахан күүс-көмө буолла. Онон лиссиэй оҕолорун уонна учууталларын үтүө быһыыта тустаах дьоҥҥо кыстыктарын биир тыын кыһалҕатын быһаарда, оттон ыччат дьоҥҥо үлэҕэ үөрэнэллэригэр, өбүгэ сиэрин-туомун билсэллэригэр олус туһалаах күн ааста.
Наталия Рязанская.