Амма улууһун аптекатын бэтэрээннэрэ “Камелот” сынньалаҥ кииҥҥэ истиҥ көрсүһүүгэ сылдьан дуоһуйа кэпсэтэн, уруккуну- хойуккуну ахтан астынан тарҕастылар. Бу көрсүһүүнү өр сыл аптекаҕа үлэлээбит, билигин урбаанньыт Наталия Шишигина тэрийдэ.
“Урут бииргэ аптекаҕа үлэлээбит бэтэрээннэрбитин ыҥыран Амма улууһугар аптека тэриллибитэ 85 сылынан, кырдьаҕастар күннэрин барытын холбоон бэлиэтээтибит. Манна Амматтан СӨ фармациятын бочуоттаах бэтэрээнэ, рецептарынан, аптека сэбиэдиссэйинэн, солбуйааччытынан эҥкилэ суох үлэлээбит Наталья Семеновна Кулева,
Өр сылларга аптекаҕа эмп оҥорооччунан ,рецептарынан улэлээбит ,СӨ фармация туйгуна, үлэ бэтэрээнэ, фармацевт Анна Дмитриевна Кондакова, фармацевт,СӨ фармация бочуоттаах бэтэрээнэ, СӨ фармация туйгуна Вера Васильевна Филиппова, ону сэргэ «Здоровье Плюс»аптекаттан СӨ фармация туйгуннара Екатерина Дмитриевна Ефремова ,Татьяна Афанасьевна Степанова, Дьокуускай куораттан эмиэ өрөспүүбүлүкэ фармациятын бочуоттаах бэтэрээнэ, СӨ фармациятын туйгуна, аптекаларга 44 сыл үлэлээбит ыстаастаах Зоя Алексеевна Попова, 47 сыл фармацияҕа үлэлээбит, СӨ фармациятын туйгуна, Соморсун аптекатын пуунугар 34 сыл устата үлэлээбит Надежда Захаровна Федорова, СӨ доруобуйаҕа харыстабылын туйгуна, өр сылларга аптекаҕа бухгалтерынан, кассирынан үлэлээбит Ефросинья Егоровна Захарова, оптика отделыгар өр сылларга улэлээбит Потапова Августина Герасимовна ыҥырыыны ылынан кундү ыалдьыт буоллулар. Ону сэргэ билигин бииргэ үлэлии сылдьар бэтэрээн кэллиэгэлэрим , СӨ фармация туйгуннара Светлана Владимировна Данилова, Люся Егоровна Федорова, ону тэҥэ билигин бииргэ үлэлии сылдьар эдэр кэскиллээх үлэһиттэрбит Мария Кондакова, Лена Прокопьева, Фекла Артемьева кэлэннэр, бары үбүлүөйдээх сылбытыгар көрүстүбүт. Түгэнинэн туһанан бэтэрээннэрбитин «Үлэ аргыстаах эдэр саас» бырайыагынан кинилэр ахтыыларын уһуллум. Кэлбит ыалдьыттарбыт, бэтэрээннэрбит бары астынан, махтанан барбыттарыттан наһаа үөрдүм. Бу иннинэ Дьокуускай куоракка киирэн аптека бэтэрээннэрин түмэлигэр сылдьыбыппыт. Бу күн Анна Дмитриевна Кондакова бэйэтин илиитин сылааһынан тикпит сэдэх оҥоһуулаах брошкалары, илин кэбиһэрдэри, олбохтору быыстапкалаан барыбытын сөхтөрдө.
2018 сылга аптекабыт 80 сылын эмиэ бэтэрээннэрбитин кытта Дьокуускай куоракка көрсөн бэлиэтээбиппит.
Өссө төгүл бары эмп эйгэтигэр үлэлиир кэллиэгэлэрбин үбүлүөйдээх сылбытынан истиҥник эҕэрдэлиибин, бары үчүгэйи баҕарабын, чэгиэн буолуҥ”, — диэн “Камелот” аптека пуунун сэбиэдиссэйэ Наталия Ивановна сонунун үллэстэр.
“Амма олоҕо” хаһыат