Тыа хаһаайыстыбата сайдарыгар биир баһылыыр оруоллаах үлэһиттэр Бүтүн Арассыыйатааҕы күннэрэ бүгүн улуус дьаһалтатын дьиэтигэр олус истиҥ эйгэҕэ бэлиэтэннэ.
Маннык үөрүүлээх бэлиэ күҥҥэ мустуут ыалдьыттары Амма улууһун баһылыга Степан Кузьмин, улуус баһылыгын бастакы солбуйааччы Василий Бураев, тыа хаһаайыстыбатын салалтатын начальнига Ион Кононов, Амматааҕы бэтэринээр салаатын салайааччытын солбуйааччы Анатолий Артемьев, бэтэринээр салалтатын профкомун бэрэссэдээтэлэ Наталья Тосина истиҥ тылларынан эҕэрдэлээтилэр.
Дьоро күҥҥэ аптека бэтэринээр бырааһа Наталья Барашкова «СӨ бэтэринээринэй сулууспатын туйгуна» үрдүк ааты ылбытын биир идэлээхтэрэ охун ытыстарын тыаһынан эҕэрдэлээтилэр. Итиэннэ тыа хаһаайыстыбатын сайдыытыгар кылааттарын иһин бочуоттаах Грамотанан Болугур нэһилиэгин бэтэринээр бырааһа Иван Попов, Амма нэһилиэгин бэтэринээр-тургутар лаборатория бырааһа Наталья Тосина, СӨ экэниэмикэҕэ министиэристибэтин махтал суругунан СӨ судаарыстыбаннай казеннай тэрилтэтин буҕаалтыра Туйаара Аксеекова, бэтэринээр-тургутар лаборатория бырааһа Александра Еремеева, Соморсуннааҕы бэтэринээр учаастагын сэбиэдиссэйэ Антонина Михайлова, Амма улууһун муниципиальнай оройуонун дьаһалтатын махтал суругунан Сулҕаччытааҕы бэтэринээр пуунун сэбиэдиссэйэ Лена Неустроева, Сатаҕайдааҕы бэтэринээр учаастагын бырааһа Иван Артемьев наҕараадаланнылар.
Үөрүүлээх бэлиэ тэрээһин түмүгүнэн кэрэ аҥаардар сибэкки дьөрбөтүн ылан үөрдүлэр-көттүлэр, СӨ үтүөлээх артыыската Анна Матвеева ылбаҕай ырыаларын истэннэр дуоһуйулар.
Артем ОСИПОВ.