Билии күнүн бэлиэтиир күн Бөтүҥҥэ Арассыыйаҕа дьиэ кэргэн, Саха сиригэр Оҕо сылынан С.Е. Николаева аатынан Ийэ скверигэр мас, талах олордуутугар нэһилиэк эдэр ыаллара оҕолорун кытта көхтөөхтүк кыттыыны ыллылар. Тэрээһини дьахталлар нэһилиэк дьахталларын түмсүүтүн чилиэнэ Серафима Яковлева көҕүлээтэ.
«Бу тэрээһини ыытарга ойуур хаһаайыстыбатын үлэһититтэн Борисов Егор Афанасьевичтан көҥүл ылан балаҕан ыйын 30 күнүгэр оҕолор төрөппүттэрин мунньан субуотунньук тэрийбиппит. Икки “Синтай” тыраахтарынан маһы, талаҕы баран түөрэн аҕалан Светлана Евимовна Николаева аатынан ийэ скверигэр аҕалан бэлэмнээбиппит. Ол таһынан 4 устуука акация талаҕы “Арассыыйа ийэлэрэ” түмсүү чилиэнэ Екатерина Николаевна Иванова спонсордаан Амматтан атыылаһан аҕалбыппыт. Балаҕан ыйын 2 күнүгэр маҥнайгы кылааска киирбит оҕолордоох дьиэ кэргэн кэлэн мастары, талахтары олортулар, уу куттуллар, үүннүн диэн алгыс тылларын анаатылар. Кинилэри нэһилиэкпит баһылыгын солбуйааччы Алексей Алексеевич Стручков, “Арассыыйа ийэлэрэ” хамсааһын салайааччыта Александра Владимировна Егорова эҕэрдэ тыл эттилэр. Ону таһынан оҕолорго бу күнү санатар өйдөбүнньүк открытка бэлэх ууннубут. Бу баҕа санаам олоххо киирэригэр көмөлөспүт, сүүрбүт- көппүт Егорова Александра Владимировнаҕа уонна Петрова Айталина Егоровнаҕа, Бөтүҥ дьаһалтатын исписэлииһигэр Тамара Прокопьевна Давыдоваҕа, Екатерина Николаевна Ивановаҕа, маҥнайгы кылаас оҕолорун төрөппүттэригэр махталбын тириэрдэбин”, — диэн Серафима Афанасьевна санаатын тириэрдэр.
“Амма олоҕо” хаһыат