Амма нэһилиэгин түөлбэлэрин икки ардыгар сыл бастакы сүрүн тэрээһинэ бильярд күрэҕиттэн саҕаланна. Барыта сэттэ түөлбэ хамаанда туруораннар бастыыр иһин күрэхтэстилэр. Быйылгы күрэх уратыта диэн хамаандаҕа дьахталлар кытыннылар.
Күрэх кылаабынай судьуйата Игнатий Гаврильев иһитиннэрбитинэн, түмүккэ “Нэлэгэр” түөлбэ бастакы, «Сайдыы» иккис, «Тэтим» үһүс миэстэлэннилэр.
Салгыы «Күннүк» төрдүс, «Алаас» бэһис, «Хардыы» алтыс, «Сэргэлээх» сэттис миэстэ буоллулар. Кыайыылаах хамаандалар састааптарыгар бильярд оонньуутун фавориттара Петр Гермогенов, Валерий Кириллин, Михаил Неустроев бастыҥ оонньууну көрдөрөннөр хамаандаларын инники күөҥҥэ таһаардылар.
Вера ИВАНОВА