Болугурдааҕы 2-с нүѳмэрдээх баҺаары утары охсуһар сулууспа, тэриллибитэ 25 сыллаах үбүлүөйүн үрдүк таһымҥа бэлиэтээтэ. Бастыҥ үлэһиттэр наҕараадалары туттулар.
Ыҥырыылаах ыалдьыттары алгысчыт Василий Кочаткин аал уоту арчылаата, олохтоохтор арыылаах алаадьынан, кыынньар уохтаах кымыһынан күндүлээтибит.
Үөрүүлээх чааска Ил Түмэн тутууга, олох-дьаһах коммунальнай хаһаайыстыбатыгар уонна энергетикаҕа сис кэмитиэтин бэрэссэдээтэлэ Александр Корякин, улуус баһылыга Степан Кузьмин, улуус депутаттарын сэбиэтин бэрэссэдээтэлэ Владимир Колосов, улуус баһылыгын тутууга солбуйааччыта Виктор Смирников, СӨ баһаары утарыы сулууспатын бастакы солбуйааччыта Анатолий Павлов, СӨ баһаары утары судаарыстыбаннай сулууспа баһаары сэрэтэр салаатын начальнига Михаил Быкалыров, СӨ баһаары утары судаарыстыбаннай сулууспа кадр уонна иитэр үлэ салаатын исписэлииһэ Анна Иванова, Болугур нэһилиэгин баһылыга Андрей Петров, Амма улууһун 9 №-дээх баһаарынай этэрээт начальнига Егор Федотов, улуус баайга-дуолга кэмитиэтин бэрэссэдээтэлэ Валентин Петров эҕэрдэ тылларын тириэртилэр, наҕараадалары туттардылар, этэрээт үлэтин үрдүктүк сыаналаатылар.
Ил Түмэн тутууга, олох-дьаһах коммунальнай хаһаайыстыбатыгар уонна энергетикаҕа сис кэмитиэтин Бочуотунай грамотатынан баһаарынай этэрээт суоппара Софрон Кириллин, Махтал суругунан караул начальнига Айал Березкин, “СӨ баһаарынай сулууспатын туйгуна” бэлиэнэн караул начальнига Юрий Местников, СӨ гражданскай оборонатын уонна нэһилиэнньэ олоҕун куттала суох буолуутун хааччыйыыга Министиэристибэтин Махтал суругунан суоппар Дмитрий Алексеев, “За отличие” мэтээлинэн караул начальнига Денис Местников, Бочуотунай грамотатынан Дьулуур Федотов, Махтал суруктарынан Михаил Колесов, “За вклад в пожарное дело” бэлиэнэн начальник Анатолий Седалищев, судаарыстыбаннай баһаарынай сулууспа идэлээх сойуустарын Махтал суругунан бэтэрээн Никита Петров, улуус дьаһалтатын Махтал суругунан караул начальнига Денис Местников, улуус дьокутааттарын Сэбиэтин Бочуотунай грамотатынан Софрон Кириллин, “Болугур нэһилиэгин сайдыытыгар кылаатын иһин” бэлиэнэн этэрээт начальнига Анатолий Седалищев, дьаһалта Бочуотунай грамотатынан суоппар Дмитрий Алексеев, Махтал суругунан караул начальнига Дьулуур Федотов бэлиэтэннилэр.
Кэлбит ыалдьыттары, үбүлүөйдээх кэлэктииби нэһилиэк «Алгыс» үҥкүү ансаамбыла, «Арылхан» фольклор бөлөҕүн оҕолоро, «Мичийээнэ», «Дойдууна» ырыа ансаамбыллара эҕэрдэлээтилэр. Баһаарынай этэрээт чугас дьонноро түмсэннэр минньигэс астаах сандалыны тардан күүс-көмө, өйөбүл буолан биир сомоҕо буолан үйэ чиэппэрдээх үбүлүөйү атаардылар.
Евдокия ПЛАТОНОВА