Болугурга сааскы чэбдик халлааҥҥа икки күрэх тэҥинэн буолла

Болугур нэһилиэгэр сандал сааһы көрсө, кырыа кыһыны атаара  тэрилтэлэр эр дьонун икки ардыларыгар «Булчут кутаата», ону тэҥэ нэһилиэк түөлбэлэрин икки ардыларыгар «Байанай» түһүлгэ көрүүтүн, «Байанай бэлэҕэ» минньигэс күөс өрүүтүн күрэҕэ буолан ааста.


Бу күн нэһилиэк дьоно сүргэлэрэ көтөҕүллэн сандал сааспытын көрсө аллараа өрүс үрдүгэр мустан түөлбэлээн  күрэхтэһэн бырааһынньыкпытын көхтөөхтүк тэрийдибит. Ол курдук Арассыыйаҕа дьиэ кэргэн сылынан ыытыллыбыт  «Бастыҥ ыалдьытымсах дьиэ кэргэн» күрэҕэр Татьяна Павловна, Владимир Николаевич Саввиннар элбэх оҕолоох, ыччаттаах дьиэ кэргэн бастыҥтан — бастыҥ дьиэ кэргэн аатын ыллылар.

Түөлбэнэн күрэххэ «Байанай» түһүлгэ көрүүтүгэр – 1 миэстэ «Үрүйэ» түөлбэ (сал. Павлова Саина Афанасьевна),  2 миэстэ «Кэскил» түөлбэ (сал. Аммосова Зоя Михайловна), 3 миэстэ  «Сайдыы» түөлбэ (сал. Никифорова Анастасия Николаевна), «Мичил» түөлбэ (сал. Саввина Татьяна Павловна) ыланнар  “Утум”, “Урсун”,” Дом торговли” маҕаһыыннар сэртипикээттэринэн  наҕараадаланнылар.   «Байанай бэлэҕэ» минньигэс миин өрүүтүн күрэҕэр 1 миэстэҕэ  «Үрүйэ» түөлбэ, 2 миэстэҕэ «Мичил» түөлбэ, 3 миэстэҕэ  «Кэскил» түөлбэ, Махтал суругу «Сайдыы» түөлбэ тахсаннар эмиэ “Утум”, “Урсун”, “Дом торговли” маҕаһыыннар сэртипикээттэтин туттулар. Түөлбэлэрбит бары даҕаны Байанайга аналлаах олус сиэдэрэй көстүүлээх түһүлгэни оҥорон, Байанай минньигэс миинин буһаран дьон үөрүүтүн үксэппиттэригэр махтанабыт. Тэрилтэлэр икки ардыларыгар «Булчут кутаата» күрэххэ 1 миэстэ “Колосок” уһуйаан , ОДьКХ тэрилтэтэ холбоһуктаах тэрилтэлэрэ, 2 миэстэ баһаарынай чаас, 3 миэстэ эдэр ыччат хамаандата ылла.  Бу күрэххэ уопсайа алта хамаанда кыттыыны ылла. Үгэскэ кубулуйбут,  Оксана Ефремова Оксана  тэрийбит «Булчут кутаата» күрэххэ бириистэри кадровай булчут дьоммут, кинилэр удьуордара, оҕолоро туруордулар. Кинилэр бу  курдук араас бириистэри туруоран дьоннорун, кыттааччылары үөрдэллэр.

 

 

Сандал сааһы көрсө ыытыллыбыт бэртээхэй күрэхтэһиилэргэ кыттыбыт бары дьоммутугар, түһлбэлэрбитигэр тэрийээччилэр истиҥ махталбытын тиэрдэбит. Инникитин да бу курдук көхтөөх буоларгытыгар ыҥырабыт.

Евдокия ПЛАТОНОВА

Читайте дальше