Чакыр орто оскуолатын үөрэнээччилэрэ олохтоох аҕам саастаах дьонноругар, эбэлэригэр, эһэлэригэр куруук болҕомтолоохтук сыһыаннаһаллар, бэлиэ күннэргэ эҕэрдэлэрин тириэрдэллэр, күүс-көмө буолаллар.
«Чакыр нэһилиэгэр аҕам саастаах дьоҥҥо анаммыт декада иитинэн оскуола оҕолоро 1-кы кылаастан саҕалаан 11 кылаастарга диэри 12 ытыктанар олохтоохторун, олор истэригэр тыыл, үлэ бэтэрээннэрин, бочуоттаах олохтоохтору, эбэлэрин, эһэлэрин эҕэрдэлээтилэр, тиэргэн, дьиэ-уот үлэтигэр күүс, көмө буоллулар. Аҕам саастаах дьон үөрүүлэрэ улахан. Бу нэһилиэк оҕолоро кырдьаҕастарга куруутун өйөбүл буоланнар холобур буолаллар, «- диэн социальнай көмүскэл Амматааҕы киинин социальнай үлэһитэ Ньургуяна Строева үөрүүтүн үллэстэр уонна Чакыр орто оскуолатыгар махталын тириэрдэр.
Алтана АРТЕМЬЕВА, үөрэх салалтатын иитэр үлэҕэ уонна эбии үөрэхтээһиҥҥэ салаатын сүрүннүүр исписэлииһэ