Майатааҕы Д.Ф. Ходулов аатынан култуура киинигэр өрөспүүбүлүкэтээҕи «Кыһын Саха сириттэн саҕаланар» бэстибээл чэрчитинэн Бүтүн Арассыыйатааҕы «Северная звезда» күрэххэ Эмис нэһилиэгин «Далбардар» ансаамбыл (салайааччы Наталья Константинова) ситиһиилээхтик кыттан кэллэ.
«Олунньу ый 8 күнүгэр Майаҕа Бүтүн Арассыыйатааҕы талааннары түмэр «Северная звезда» күрэххэ уопсайа 70 араас кэлэктииптэр кэлэн талааннарын көрдөрдүлэр, бары жандрга барытыгар кытыннылар. Ол курдук Хаҥаластан, Абыйтан, Тааттаттан, Дьокуускай куораттан, Амматтан кэлбиттэр. Биһиги «Далбар Хотун» түөлбэ ансаамбыла вокал номинацияҕа кыттан 1- кы степеннээх лауреат буоллубут. Хормейстербыт Наталья Александровна Михайлова. Маны сэргэ ансамбылбыт солистката Маргарита Бандерова ийэтэ ыллаабыт «Вечерком на реке» ырыатын аккопельно ыллаан 2-с степеннээх лауреат аатын сүктэ. Ийэтэ бу ырыаны 1945 сыллаахха, ырыа күрэҕэр ыллаан бастакы миэстэни ылбыт эбит. Маргарита Васильевна ситиһиитин Улуу Кыайыы 80 сылыгар аныыр. Бу күрэҕи Литвинов Андрей Анатольевич бэрэссэдээтэллээх Бүтүн Арассыыйатааҕы уонна норуоттар икки ардыларынааҕы таһымнаах дьүүллүүр сүбэ сыаналаата», — диэн ансаамбыл салайааччыта Наталья Николаевна сырдатта.
Мирослава НОГОВИЦЫНА.