Судаарыстыбаннай турук аактатын суруйааччы Екатерина Васильева Дойду бэрэсидьиэнэ Владимир Путин кэлэр 2024 сылы Дьиэ кэргэн сылынан биллэрбитин кэрэхсии иһиттэ. Ылыллар соруктар, былааннар ииникитин Амма улууһугар демографическай туругу тупсарыахтара диэн эрэнэ кэтэһэр.
Тоҕо диэтэргит, Екатерина Семеновнаны кэккэ сылларга улууска ыал буолуу ахсаана аччаабыта дьиксиннэрэр. Холобур быһыытынан, 2022 сылга ахсынньы 1 күнүнээҕи туругунан Амма улууһугар ыал буолуу 57 тэҥнэспит эбит буоллаҕына, быйыл сыыппара 33 буолла. Оҕо төрөөһүнэ эмиэ кыччаата: былырыын 173, быйыл 133.
-Арай, үөрэрим баар, арахсыы уонна өлүү кыччаатта: 51 арахсыы (былырыын 62), 98 өлүү (былырыын 121). Онон хас даҕаны сылы өтө көрөн дьиэ кэргэн олоҕун тупсарар, өйүүр сокуоннар, уураахтар бигэргэниэхтэрэ диэн бүк эрэнэбин,- диэн санаалаахАмматааҕы ГТАС салайааччыта.
“Амма олоҕо” хаһыат.