Скандинавскай, ол эбэтэр сахатыттахпытына хаалыктаах хаамыы, спорт биир көрүҥүн быһыытынан биллэр. Скандинавскай хаамыынан киһи сааһыттан тутулуга суох дьарыктанар. Баҕалаах киһи баҕанаҕа ыттар диэн өс хоһооно баар. Кэлиҥҥи кэмҥэ оннук девиһинэн салайтаран доруобуйаларын тупсарынар дьон элбээбитэ истиэххэ эрэ үчүгэй.
Хаалыктаах хаамыынан ордук сөбүлээн саастаах дьон дьарыктанар. Сарсыарда эрдэ күн тахсыыта Аммаҕа хаалыгы туппутунан хааман иһэр дьону көрүөххэ эрэ ураты кэрэ хартыына. Маннык хартыына нэһилиэнньэ доруобуйатын чэбдигирдэргэ кыһалларын көрдөрөр.
“Мин сарсыарда 5 чааска турабын. Скандинавскай хаамыыга соҕотоҕун дьарыктаммаппын. Үлэ бэтэрээнэ Мария Васильевна Пахомовалыын Кыыс Амма кытылыгар диэри хаамабыт. Сарсыарда эрдэ хаалыкпытын туппутунан күһүҥҥү сөрүүн салгыны уймахтыы-уймахтыы дьарыктанарбыт олуһун диэн бэртээхэй. Оттон уу оботторор тутуу аттыгар сэрээккэбитин оҥоробут. Дьэ ол кэнниттэн остуоллаах ыскамыайкаҕа олорон эрэммит итии чэйбитин иһэбит, саахара суох бэчиэнньэбитин сиэн үксэнэн бараммыт дьиэбит диэки хаамабыт. Баччаҕа салгына ыраас, ыт-кус суох, массыына аҕыйах буолан хаамарга олус табыгастаах. Кыһыҥҥы туманнаах кэмҥэ эрэ тохтуу түһэбит. Онон, хаалыкпын туппутунан доруобуйабын өрүү чэбдигирдэргэ дьулуһабын. Киһи доруобуйата – бэйэтин илиитигэр” диэн этэр Амма нэһилиэгин ытык олохтооҕо, үлэ бэтэрээнэ 87 саастаах Петр Афанасьевич Кузьмин.
Артем ОСИПОВ