Муус устар 7 күнүгэр бүтүн Аан дойду үрдүнэн “Доруобуйа күнэ” бэлиэтэнэр. Ол чэрчитинэн, Болугур нэһилиэгин “Колосок” уһуйааныгар “Доруобуйа нэдиэлэтэ” буолан ааста.
Онон сиэттэрэн, муус устар 8 күнүгэр уһуйаан оҕолоругар уонна төрөппүттэргэ “От күөх өҥ- доруобуйа лиэнтэтэ” уонна “Мин чэгиэн-чэбдик буоларга туһалаах үгэстэри тутуһабын” диэн кэккэ акциялар буоллулар.
От күөх өҥ чэгиэн-чэбдик буолуу бэлиэтэ. Ононтөрөппүттэргэ уонна оҕолорго ыалдььбакка куруук чэгиэн-чэбдик сылдьалларыгар баҕаран туран илиилэригэр от күөх атылаас лиэнтэ баайдыбыт.
“Мин чэгиэн-чэбдик буоларга туһалаах үгэстэри тутуһабын” диэн акцияҕа сибэкки быһыылаах туһалаах үгэстэргэ, холобур: “Мин сарсыарда аайы сэрээккэ оҥоробун”, “Туһалаах аһы аныыбын”, “Күммүн -дьылбын сөпкө былаанныыбын” диэн туһалаах үгэстэри тутуһарын мэктиэлээн от күөх өҥнөөх стикер сыһыардылар.
Салгыы бэлэмнэнии “Ньургуһун” уонна “Чуораанчык” бөлөх оҕолоругар “Чэгиэн-чэбдик буолуохха!” диэн кэпсэтии ыыттыбыт. Онно илиини хайдах кичэйэн суунарга, оҕо тииһин суунарыгар хайдах суокка барсарын ырыттыбыт. Түмүккэ оҕолор ыраас буолуу уонна сөптөөх аһааһын туһунан тэттик роликтары, “Мойдодыр” диэн ойуулугу көрдүлэр.
Муус устар 9 күнүгэр “Ньээм-ньээм” уонна “Сардаана”бөлөх кырачааннарыгар “Илиини сөпкө суунуу”, “Тииһи кичэйэн суунабын” диэн ааттаах кэпсэтиини ыыттыбыт. Кыра бөлөх оҕолоро тиистэрин, илиилэрин сөпкө суунарга үөрэннилэр. Ол кэннэ “Быһыы ыларын куттанар бегемот” диэн ааттаах ойуулук көрдүлэр.
Муус устар 10 күнүгэр оҕолорго илбийии көмөтөтуһалааҕын бэлиэтээн массаж оҥордубут. Кырачааннар олус астыннылар.
Муус устар 11 күнүгэр оҕолорго Болугурдааҕы олохтоох бибилитиэкэ үлэһитэ Наталья Софронова ыалдьыттаата. Кини оҕолорго хайдах чэгиэн-чэбдик сылдьалларын, буортулаах, киһиэхэ куһаҕаннык дьайар астартан тэйэ тутталларын туһунан хоһооннору аахта. Бүтэһигэр бары эти-сиини уһугуннарар сэрээккэ оҥордулар.
Доруобуйа нэдиэлэтин устата атаҕы эрчийэр анал ковриктарынан хаамтылар, сарсыарда аайы сэрээккэ оҥордулар, бэйэни көрүнүү, ыраас буолуу туһунан олус элбэҕи биллилэр-көрдүлэр, кыра эрдэхтэндоруобуйабытыгар харыстабыллаахтык сыһыаннаһыахтаахпытын өйдөөтүлэр.
Вера Никифорова.