Академик Л.В.Киренскэй аатынан Амма лиссиэйин 5-8 кылаас оҕолоругар анаан баһаартан сэрэхтээх буолуу кылаас чааһа ыытылынна.
Кылаас чааһын Амматааҕа баһаарынай сулууспа баһаары утары үлэ инструктора Неустроева Наталья Дмитриевна ыытта. Оҕолор күннээҕи олоххо уоттан сэрэхтээхтик тутта-хапта сылдьыы быраабылатын, баһаар буолар түбэлтэтигэр ханна эрийиэхтээхтэрин билистилэр. Баһаар буолар түгэнигэр аан бастаан тугу гыныахтаахтарын болҕойон иһиттилэр, өйдөөбөтөхтөрүн ыйытан чопчуластылар.
Наталия Рязанская.