Бүгүн, сэтинньи 12 күнүгэр Дьокуускай куоракка ыытыллыбыт «Киэһээҥҥи Туймаада» хайыһар күрэҕэр Амматтан Михаил Устинов ситиһиилээхтик кыттан чөмпүйүөн үрдүк аатын ылла.
«Михаил Алтан орто оскуолатын 9-с кылааһыгар үөрэнэр. Кини Амматааҕы оҕо спортивнай оскуолатын хайыһарга филиалыгар дьарыктанар. Тренерэ Александр Семенович Стручков буолар. Бу Дьокуускай куорат ыытар күрэҕэр кыттан 1,5 км уһуннаах спринтерскэй дистанцияҕа утарылаһааччыларын кыайан бастакынан биэтэккэ кэлэн чөмпүйүөн буолла. Михаилы уонна кини тренерин Александр Семеновыһы кыайыыларынан эҕэрдэлиибит»,- диэн Н.С. Захаров-Сахаачча аатынан оҕо спортивнай оскуолатын дириэктэрин солбуйааччы Виктория Владимирова сырдатта.
«Амма олоҕо» хаһыат