Аҕам саастаахтар күннэрин бэлиэтээн «Алгыс» СК кэлэктиибэ уонна олохтоох бибилэтиэкэ сэбиэдиссэйэ Матрена Захарова 50-нарыттан үөһээ аҕам саастаах дьоммутугар бырааһынньыктааҕы тэрээһин ыыттылар. Бу күн 2023 сылга юбилейдаах дьоммутун эҕэрдэлээтибит, үлэлээбит тэрилтэлэриттэн, олохтоох дьаһалтаттан Махтал суруктары, эҕэрдэлэри, бэлэхтэри тутан сүргэлэрэ көтөҕүлүннэ. Ол курдук Иван Васильевич Неустроев, Дмитрий Никитич Неустроев, Раиса Спиридоновна Капитонова, Светлана Иннокентьевна Иванова 70-нара, Дмитрий Иванович Адамов 65-һэ, Нина Алексеевна Иванова, Александр Васильевич Неустроев 60-нара уонна Мээндигитээҕи ОПХ-ҕа 40-ча сыл эҥкилэ суох бухгалтерынан үлэлээбит, үлэ бэтэрээнигэр Любовь Гаврильевна Яковлева уонна Мээндиги нэһилиэк быһыытынан тэриллиитигэр бастакы сельсовет бэрэссэдээтэлинэн, кэлин 2010 — 2015 с.с. нэһилиэк баһылыгынан үлэлээбит Лев Спиридонович Старостин 70 саастарынан «Нэһилиэк сайдыытыгар кылаатын иһин» бэлиэ туттарылыннылар. Нэһилиэкпит соҕотох уопсастыбаннай корреспонденыгар Василий Прокопьевич Жирковка 70 сааһынан «Амма олоҕо» хаһыат эрэдээксийэтин Эҕэрдэ суруга, бэлэҕэ туттарылынна.
Бу күн араас омуктар үгэстэрин, таҥастарын, астарын көрдөрөр конкурс ыытылынна. Барыта 6 киһи кыттан араас номинациялары ыллылар. «Госпожа года» үрдүк ааты ылан Светлана Иванова кыайыылаах таҕыста. «Госпожа скромность» Татьяна Кириллина, «Госпожа очарование» Александра Дуюкова, «Госпожа неповторимость» Екатерина Попова, «Госпожа оригинальность» Ольга Жиркова, «Госпожа хозяюшка» Наталья Лазарева бэлэхтэри туттулар. Матрена Захарова салайар «Иэйии» бэтэрээннэр литературнай түмсүүлэрэ өрөспүүбүлүкэтээҕи «Кэрэ эйгэ» хоһоонньуттар Сойуустарын чилиэнэ Екатерина Попова хоһооннорун иэйэн туран аахтылар.
Маны сэргэ Матрена Николаевна араас көрдөөх ооньуулары ыытан, Василий Копырин ыллаан-туойан бу киэһэни бэрт сэргэхтик ыыттылар. Кэлбит дьон астына үҥкүүлээн, дуоһуйа сынньанан үөрэн- көтөн тарҕастылар.
Аҕам саастаахтар декадаларын чэрчитинэн сыллата «Сырал» ийэлэр түмсүүлэрэ (сал. Говорова А.Г., солб. Пухова Н.В.) көҕүлээһиннэринэн соҕотох олорор аҕам саастаах дьоммутугар бурдук аһа астаан, сылаас үтүлүк тигэн, күһүҥҥү соҕотоуопкаларыттан бэлэх оҥороллор. Ол курдук быйыл эмиэ акцияларын ыытан соҕотох олорор дьоннорбутун күндүлээтилэр. П.И.Караканов орто оскуолатын кэлэктиибэ бэтэрээн педагогтарыгар Варвара Тимофеевна Заборовскаяҕа, Андрей Дмитриевич Никитиҥҥэ, Раиса Спиридоновна Капитоноваҕа сайынын үөрэнээччилэр үүннэрбит хаппыысталарын үөрдэ-көтүтэ туттардылар. «Сайдыс» оҕолор түмсүүлэрэ оскуола бэтэрээн үлэһиттэригэр Наталья Ивановна Анисимоваҕа уонна Александра Егоровна Чикальдинаҕа тимуровскай көмөнү оҥордулар.
Альбина ФИЛИППОВА, нэһилиэк баһылыгын солбуйааччы