Мээндигитээҕи П.И.Караканов аатынан оскуола байыаннай-патриотическай иитиигэ улахан болҕомтотун уурар.
Мээндиги орто оскуолатыгар саҥа үөрэх дьылыттан бастакы байыаннай бэлэмнэнии үөрэҕэ киирэринэн олохтоох нэһилиэк баһылыга Илья Семенов өйөбүлүнэн уонна оскуола эр дьонун күүһүнэн «Мэһэйдээх балаһа» дьарыктанар сир баар буолла.
Манна сылдьан оҕолорбут эт-хаан өттүнэн сайдыахтара, байыаннай үөрэххэ бэлэмнээх буолуохтара. Бэлэмнэниигэ араас тэрээһиннэри ыытарга табыгастаах усулуобуйа, эйгэ тэрилиннэ диэн астынабыт уонна баһылыкпытыгар Илья Владимировичка, оскуолабыт дириэктэригэр Иосиф Константинович Софроновка учууталлар, төрөппүттэр ааттарыттан махталбытын тиэрдэбит. Оҕолорбут, кэлэр кэнчээри ыччаппыт сайдарын туһугар бу курдук бырайыактар үлэҕэ киирэ турдуннар.
Изабелла ДАВЫДОВА