«Рисуем все» бырайыак эстфетатын кубогын мээндигилэр Абаҕа орто оскуолатыттан ыламмыт элбэх тэрээhиннэр ыытыллыбыттарыгар уһуйаан, оскуола оҕолоро, төрөппүттэрэ, учууталлар көхтөөхтүк кытыннылар.
Тэрээhин иитинэн оскуолабыт учууталларын Федора Яковлевна Сергеева, выпускницабыт Оксана Афанасьевна Жиркова, үөрэнээччилэрбит Старостина Алина уонна Попова Вика үлэлэрэ быыстапкаҕа турдулар. Уhуйааммытыгар уруhуй аhаҕас дьарыктара уонна оскуолабытыгар 7 кылаастарга уруhуй уруога буоллулар.
Бырайыак үлэтин иккис күнүгэр оҕолорго, төрөппүттэргэ анаан маастар-кылаастар аастылар. Уруhуй уонна технология учуутала Виктория Николаевна Семенова «Пуантилизм» диэн олохсуйбатах ньыманы туhанан «Весеннее дерево» диэн ааттаах маастар-кылаас ыытта. Эбии үөрэхтээhин учууталлара Федора Яковлевна Сергеева эмиэ олохсуйбатах ньыманы туhанан «Цветочное панно» оноттордо, Мария Иннокентьевна Данилова «Аҕыс утаҕынан кылынан өрүү» маастар-кылаас ыытта.
Үһүс күҥҥэ Арассыыйаҕа Дьиэ кэргэн сылын чэрчитинэн ыытыллыбыт «Мин дьиэ кэргэним» оҕо төрөппүтүн кытта уруhуй күрэҕин түмүгэ таҕыста. Кыайыылаахтар махтал суруктарынан уонна өйдөбүнньүк бириистэринэн наҕараадаланнылар. Маннык үөрүүлээх түгэнинэн бырайыак эстафетатын сомрсуннарга туттардыбыт. «Рисуем все» бырайыак бу эстафетанан түмүктэнэн хаалбакка оскуола аайы үлэлии, сайда турдун!
Виктория Семёнова.