«Муона» түөлбэ алааһын өссө төгүл ыраастаата

Өрөспүүбүлүкэтээҕи Олоҥхо ыһыаҕар Амма нэһилиэгин түөлбэлэрэ эмиэ көхтөөхтүк бэлэмнэнэллэр. Нэһилиэк дьаһалтата уматыгынан хааччыйан, ким тыраахтырынан, ким массыынанан хомуллубут бөхтөрү тута таһааран иһэллэр. Нэһилиэк биир бастыҥ «Муона» түөлбэтэ ырааһырдыы үлэтигэр иккис төгүлүн хомуллан таҕыста.


Айан аартыгар баар түөлбэ буолан суол кытыытыгар элбэх бөх-сыыс быраҕыллар. Ааспыт субуотунньукка эмиэ төһө эмэ хомуллубутун үрдүнэн, син биир  бу да сырыыга биир массыына кэриҥэ  бөх хомулунна. Ааһан иһээччилэр араас бөҕү барытын быраҕаттаан ааһаллар.

«Субуотунньукка көхтөөх түөлбэ олохтоохтооро тахсан кыттыстылар. Хомойуох иһин сорох ыаллар биир да субуотунньукка кыттыбаттар. Бу олус хомолтолоох. Биир алааска олорор буолан баран ыраас территорияҕа олорууга бука бары дьулуһуохтаахпыт. Кэлэр ырааһырдыы үлэлэригэр көхтөөхтүк кытталларыгар баҕарабын. Тоҕо диэтэр ыраас буолууга бары бииргэ дьулуһуохтаахпыт», — диэн түөлбэ салайааччыта Михаил Терентьев санаатын тириэртэ.

«Амма олоҕо» хаһыат

Читайте дальше