Амма нэһилиэгин 46 №-дээх быыбардыыр учаастагар иккис сылын кэтээн көрөөччүнэн Наталья Саввина үлэлиир. Наталья Игнатьевна ааспыт икки күн устата туох да кэһии тахсыбакка барыта этэҥҥэ диэн бэлиэтиир.
“Мин Саха сирин уопсастыбаннай палатыттан талыллан кэтээн көрөөччүнэн бу үһүс күммэр сылдьабын. Ааспыт икки күнү этэр буоллахха, барыта этэҥҥэ. Туох да кэһии таһаарыллыбата. Дьон бастакы күн олус көхтөөхтүк кэлбиттэрэ. Иккис да күн дьон элбэх. Бүгүн да сарсыардаттан кэлэ тураллар. Былырыын Ил Дархаммытын талыы быыбарга эмиэ үс күн устата кэтээн көрөөччүнэн сылдьыбытым”, — диэн Наталья Игнатьевна санаатын үлэстэр.
“Амма олоҕо” хаһыат