Оҕуруо алыбар ылларан Болугурга М.А. Ноговицын аатынан култуура киинэ тэрийэн «Мелодия бисера» диэн оҕуруонан сиинньэлээһиҥҥэ маастар-кылаас буолан ааста.
Оҕолор бу тэрээһиҥҥэ көхтөөхтүк кыттан, олус сэргэхсийэн, оҕуруо алыбыгар ылларан кыттыннылар. Хас биирдии оҕо маастар — кылаас түмүгэр ийэлэригэр, балтыларыгар, бэйэлэригэр оҥорбут сахалыы оҕуруонан баттах туттарар киэргэллэрин олус кыһаллан, араас дьүһүннээн оҥорон үөрэн — көтөн тарҕастылар. Оҕолорбут субу курдук, өбүгэлэрин утумнаан уран тарбахтаах Кэрэ Куолар буолан таҕыстыннар. Махталбытын тиэрдэбит күндү төрөппүттэрбитигэр, Е.Е. Пахомов аатынан орто оскуолабыт учуталларыгар. Кэрэни кэрэхсии, үтүөҕэ тардыһа, үчүгэйи түстүү сылдьыаҕыҥ.
Күн чаҕыллар килбиэнэ,
Күлүмнэтэр киэргэлэ
Көрүөхтэн эрэ эриэккэс
Ойуу — мандар оҕуруо…
Евдокия ПЛАТОНОВА.