Бүгүн Амматааҕы лиссиэйгэ «Олоҥхо — саха олоҕо» улуустааҕы семинар, маастар-кылаас буолан ааста.
Семинары лиссиэй георгафияҕа учуутала Алена Быстрова, биология учуутала Александра Давыдова, уруһуй учуутала Анна Михайлова, педагог-библиотекарь Анна Алексеева уонна саха тылын учуутала Наталия Рязанская ыыттылар.
Сахалыы киһитин сиэринэн, маастар-кылааска кэлбит ыалдьыттары алгыһынан уонна сахалыы саламааттаах, алаадьынан, быырпаҕынан айах тутан күндүлээтилэр. Салгыы лиссиэй 7 кылааһын үөрэнээччитэ Өркөн Солдатов тус патефонунан Гаврил Колесов толоруутугар «Дьулуруйар Ньургун Боотур» олоҥхону иһитиннэрдэ.
Салгыы оҕолор уонна учууталлар, педагог-библиотекарьдар бөлөҕүнэн арахсан үлэлээтилэр. Олоҥхону лиссиэй учууталлара үгэс буолбут өйдөбүлтэн тэйэн, дьиҥ олоххо сыһыары тутан ырыттылар, историяны, географияны, биология на кытта ыкса ситимнэээн ырыттылар, тус санааларын эттилэр. Маны барытын семинар кыттыылаахтара истэ олорон, олоҥхо туһунан тугу өйдөөбүттэринэн, хайдах ылыммыттарынан араас матырыйаалы туһанан кыһыйан, килиэйдэээн, акриловай кыраасканан уруһуйдаан панно оҥорорго холоннулар. Үлэлэрин түмүгүн көрөн бары да астыннылар, үөрдүлэр, дуоһуйдулар.
Түмүккэ семинар бары кыттыылаахтара олоҥхо туһунан саҥаны, сонуну билбиттэрин туһунан санааларын эттилэр уонна хайаан да үөрэхпитигэр, үлэбитигэр туһаныахпыт диэн туран, семинары тэрийбит, ыыппыт дьоҥҥо махталларын биллэрдилэр.
Наталия Рязанская.