Алгыстаах Амма сиригэр култуурунай нэһилиэстибэ уонна патриотическай тыыҥҥа иитии сылын түмүктүүр, Олоҥхо сылын үөрүүлээхтик арыйар тэрээһин бүгүн барыбытын сомоҕолоото. 2023 сыл бастыҥ үлэлээхтэрин бэлиэтиир, өрөгөйдөрүн үрдэтэр, үүммүт сылга сыаллары-соруктары туруорар чаас түгэннэрин хаартыскаларынан сырдатабыт.
РФ уопсай үөрэхтээһинин бочуоттаах үлэһитэ, СӨ үтүөлээх тренерэ, СӨ спордун уонна физическэй культуратын туйгуна, Амма нэһилиэгин бочуоттаах олохтооҕо Александр Романов «Амма улууһун бочуоттаах олохтооҕо» ааты сүктэ.
Амма улууһун дьаһалтатын ыксаллаах быһыы-майгы кэмитиэтин бэрэссэдээтэлин солбуйааччы Эдуард Прокопьев СӨ гражданскай оборона уонна нэһилиэнньэ олоҕо куттала суох буолуутугар Министиэристибэтин «ВЕРНОСТЬ ДОЛГУ И СЛУЖЕНИЮ» түөскэ анньыллар бэлиэтинэн наҕараадаланна.
"Үлэ киһитэ" улуус баһылыгын Гранын туттарыы сиэрэ-туома үөрүүлээх быһыыга-майгыга ыытылынна. Хас биирдиилэригэр 100 000 солкуобайдаах Граннар туттарылыннылар
Култуура уонна духуобунай сайдыы. Амматааҕы киин бибилэтиэкэ методиһа Таисия Александрова
Урбаан, атыы-тутуу уонна туризм. Урбаанньыт Николай Алексеев
Тутуу, тырааныспар, суол хаһаайыстыбата, сибээс. "Амма суол " ХЭТ суоппара Андрей Бабиченко
Гражданскай көҕүлээһин, спорт, ыччат политиката. "Үлэ аргыстаах эдэр саас" бырайыак ааптара, көҕүлээччитэ Наталья Борисова
Тыа хаһаайыстыбата, ветеринария. "Абаҕа" ХЭТ тырахтарыыһа Гаврил Еримеев
Доруобуйа харыстабыла. Киин балыыһа терапевтическай отделениетын невролог бырааһа Елена Ефимова
ОДьКХ,энергетика. ОДьКХ Алтаннааҕы учаастагын электросварщига Герасим Ильин
Экология, ойуур хаһаайыстыбата, сир, баай-дуол сыһыаннаһыыта. Эмис нэһилиэгин Олом Күөл учаастагын булчута Егор Кузьмин
Үөрэхтээһин. Чапчылҕан орто оскуолатын технологияҕа учуутала Михаил Михайлов
Социальнай сулууспа, пенсионнай сулууспа, үлэлээх буолуу уонна психологическай сулууспа. "Күөх" ыллык реабилитациялыыр киин массажиһа Евдокия Табунанова
Россияҕа Дьиэ кэргэн сылынан дьиэ кэргэн холумтанын уотун Уһук Илин регионнарга тиэрдии церемониятын кыттыылаахтара Жанна уонна Владислав Федоровтарга улуус баһылыга Степан Кузьмин 50 000 солк. сертификаты туттарда
Дария Васильева — Амма Даайыс тылларыгар, Вера Шилова матыыбыгар «Тыа ыала» саҥа ырыа сүрэхтэннэ. Ырыаны киэҥ эйгэҕэ Айыына, Виктория, Валерий Дьяконовтар дьиэ кэргэн таһаардылар. Байааҥҥа доҕуһуоллаата СӨ култууратын үтүөлээх үлэһитэ Василий Неустроев.
Биэс нэһилиэк холбоһуктаах хордара тэрээһин силигин ситэрдэ
Олоҥхо сылын Амма улууһугар аһыллыбытынан ааҕарга!
Саҥа сылы арыйыы үөрүүлээх чааһа тоҥолохтон ылсан, биир тэтимҥэ киирэн оһуокай үҥкүүнэн түмүктэннэ
«Амма олоҕо» хаһыат.