Саха народнай суруйааччыта Д.Ф. Наумов-Миитэрэй Наумов аатынан Сулҕаччытааҕы библиотека иһинэн үлэлиир “Суһум” айар дьон түмсүүтүн чилиэнэ Вера Егоровна Исакова дэгиттэр талааннаах киһи. Кини хоһоон суруйар, иистэнэр, оҕоруоччут бэрдэ. Ону таһынан олоҥхо суруйар уонна толорор биир сэдэх уратылаах.
Бүгүн республикабыт үрдүнэн бэлиэтэнэ турар “Төрөөбүт тыл уонна сурук-бичик” күнүгэр Вера Егоровна оҕолорго анаан суруйбут “Дьулусханнаах сырыылаах Дохсун Ньургустай” олоҥхотуҥ аан бастаан дьон дьүүлүгэр таһаарда. “Чычып-Чаап” уһуйаан иитиллээччилэрэ уонна иитээччилэрэ кини махталлаах истээччилэринэн буоллулар.
Бу үлэһит коллектив талааннаах биир дойдулаахтарын кытта, олоҥхо уустук эйгэтигэр оҕолору уһуйууга бииргэ үлэлэлэһэргэ куруук бэлэмнэрин, салгыы бу олоҥхонон оҕолорго сөптөөх ойуулардаах, оонньуулардаах дьоҕус олоҥхо кинигэтин таһаарар баҕа санааларын эттилэр.
Елена ПОПОВА.