Кылгас олоҕор көҥүл тустуу сулуһа буолан чаҕылхайдык күлүмнээбит, норуоттар икки ардыларынааҕы турнирдар хас да төгүллээх кыайыылааҕа, ССРС сүүмэрдэммит хамаандатын чилиэнэ, Аан дойду спордун историятыгар аатын-суолун хаалларбыт биир дойдулаахпыт Николай Захаров – Сахаачча аата сулуска иҥэрилиннэ.
Амма улууһун дьаһалтатын, улуустааҕы спорт комитетын көҕүлээһиннэринэн Скорпион сулустарын бөлөҕүттэн биирдэстэрэ мантан антах номох буолбут Амма чулуу уолун Николай Семенович аатын сүктэ.
“Амма олоҕо” хаһыат