Бу күннэргэ Россия бэрэсидьиэнэ көҕүлүүр “Үөрэхтээһин” национальнай бырайыак чэрчитинэн тутуллубут сабыс саҥа таас оскуола-сад Абаҕа оҕолоругар аанын тэлэччи аста. Аҕа дойдуну көмүскээччилэр күннэринэн саҥа оскуола киэҥ саалатыгар бастакы тэрээһин, сылын аайы ыытыллар кылаастар икки ардыларыгар строевой хаамыыны көрүү буолла.
Күрэх сүрүн ирдэбилинэн байыаннай хаамыы, анал форма, ырыа уонна командирдар сорудахтарын толоруу буолаллар.
Дьүүллүүр сүбэ састаабыгар директоры иитэр үлэҕэ солбуйааччы Валентина Владимировна Строева, физкультура учуутала Семен Иванович Александров уонна ыалдьыппыт, төрөппүт, байыаннай дьайыы кыттыылааҕа Ким Петрович Тихонов киирдилэр.
1-4 кылаастарга бастакы миэстэни 4 кылаас ылла (кыл. сал. Захарова М.Н.). Бастыҥ командир эмиэ 4 кылаас үөрэнээччитэ Эверстов Эрсан буолла.
5-7 кылаастарга 1 миэстэ 7 кылаас буолла (кыл. сал. Борисова В.Г.). Бастыҥ командир – 7 кылаас үөрэнээччитэ Колесов Айал.
8-10 кылаастарга бастакы миэстэ 10 кылаас (кыл.сал. Колодезников С.А.), бастыҥ командир – 8 кылаас үөрэнээччитэ Емельянов Мичил.
Хас биирдии кылаас байыаннай формалааҕа, бэлэмнээҕэ көрөөччүлэри, ыалдьааччылары үөртэ. Бүтэһигэр 10 кылаастар хааман көрдөрдүлэр.
Көрүү кэнниттэн «Аҕа уолунаан» эстафетаҕа күрэхтэстилэр. Эрэллээх кыайыыны «Тэтим» хамаанда – Емельянов Мичил (8 кылаас), Харитонов Давид (4 кылаас), Тимофеев Слава (5 кылаас) аҕатынаан Иван Васильевичтыын ситистилэр. Аҕыйах очконан кыайтаран иккис миэстэни «Хотой» хамаанда – Цеев Артем (9 кылаас), Конников Чаҕыл (3 кылаас) уонна Устинов Богдан (6 кылаас) аҕатынаан Антон Матвеевичтыын ыллылар. 3 миэстэҕэ Романов Радмир (10 кылаас), Горохов Саша (2 кылаас) уонна Ваня Конников (7 кылаас) аҕатынаан Фридрих Иванович Михайловтыын тигистилэр.
Күрэх бириистэри туттарыынан уонна уопсай хаартыскаҕа түһүүнэн түмүктэннэ.
Онтон кылаастарынан уолаттары эҕэрдэлээтилэр.
Надежда Яковлева.