Быйыл Дьокуускай куоракка, өрөспүүбүкэ бастыҥ үөрэнээччилэрин чиэстиир Ил Дархан харыйатыгар лиссиэйтэн 5 оҕо ыҥырылынна. Бу лиссиэй историятыгар маҥнайгытын элбэх оҕо кыттыыта буолар.
Ол курдук, маннык үрдүк чиэскэ норуоттар икки ардыларынааҕы интеллектуальнай оонньуулар кыайыылаахтара Алексей Захаров, Бүтүн Россиятааҕы туризм күрэҕэр үрүҥ көмүс мэтээллээх Владмир Колосов, «Инникигэ хардыы» Бүтүн Россиятааҕы научнай-практическай конференция кыайыылааҕа Регина Стрекаловская, өрөспүүбүлүкэтээҕи саха тылын олимпиадатын кыайыылааҕа Эслана Константинова уонна өрөспүүбүлүкэтээҕи психология уонна педагогика олимпиадатын кыайыылааҕа Күннээйэ Яковлева тигистилэр.
Оҕолор бары лиссиэй быйылгы выпускниктара буолаллар. Бу улахан ситиһии, биллэн турар, оскуола, оҕо уонна төрөппүт биир ситимнээх үлэтин түмүгэ.
Түгэнинэн туһанан, оҕолор үөрэтэр учууталларыгар, куруук өйүүр-өйдүүр төрөппүттэригэр уонна үөрэхтэрин кыһатын бары үлэһиттэригэр дириҥ махталларын тиэрдэллэр.
Наталия РЯЗАНСКАЯ.