Субан сүөһүнү төлөһүтүүнэн дьарыктанар «Соморсун» ТХПК үһүс сылын нэһилиэгин байыаннай дьайыы кыттыылаахтарын дьиэ кэргэттэрин этинэн, иһинэн күндүлээтэ. Ол курдук, уон ыал саха киһитигэр күүтүүлээх идэһэ наборун тутаннар үөрүүлэрэ үксээтэ.
Петр Андросов бэрэссэдээтэлээх, Галина Заборовская кылаабынай буҕаалтырдаах «Соморсун» ТХПК бэһис сылын субан сүөһүнү иитэн нэһилиэкпит дьонун, аттынааҕы Мээндиги нэһилиэгин олохтоохторун, икки нэһилиэк үөрэх тэрилтэлэрин этинэн хааччыйар. Сыллата ыытыллар «Идэһэ» дьаарбанкаҕа куруук көхтөөхтүк кыттар, улуус дьонун эмис, минньигэс этинэн куруук кэрэхсэтэр.
Тыа хаһаайыстыбатын курдук уустук, сыраны,сылбаны эрэйэр салаа үлэһиттэрэ анал байыаннай дьайыы саҕаланыаҕыттан, үһүс сылын буойуттар дьиэ кэргэттэрин идэһэ этинэн, наборунан күндүлүүр. Быйыл 10 дьиэ кэргэн идэһэ набордарын бэлэх тутан үөрүүлэрэ үксээтэ.
Хайа баҕарар ыал, нэһилиэк кэтэх хаьаайыстыбалаах, сүөһүлээх, сылгылаах буоллаҕына олоҕо уйгулаах, ханнык да түгэҥҥэ бигэ тирэхтээх буолар. Маннык нэһилиэкпит сайдыытын укулаатын хара көлөһүннэринэн оҥоро сылдьар, дьоһун үлэһит дьоммутугар куруук көмө-тирэх буола туралларыгар истиҥ махталбытын тиэрдэбит, үлэҕитигэр ситиһиини, тус олоххутугар дьолу-соргуну баҕарабыт!
Надежда Белолюбская.