Дойду президенин быыбарын иккис күнэ түмүктэнэрэ чугаһаата. Соморсун олохтоохторо улахан аҥара бэйэлэрин ытык иэстэрин толорон көхтөөхтүк куоластарын биэрэллэр.
Нэһилиэк тэрилтэлэриттэн аан бастакынан Саргылана Данилова салайар «Чэчир” оҕо-сайдар киинин үлэһиттэрэ 100 бырыһыан быбардаатылар.
Быыбар саҕаламмыт күнүгэр нэһилиэнньэҕэ ас-үөл дьаарбаҥкатын тэриллэн, дьон-сэргэ көҕө улаатта. Маны сэргэ, биир дойдулаахпыт, урбаанньыт Михаил Терентьев саха сирин бастыҥ оҥорон таһаарыыччылар халбаһыларын, бэйэтэ оҥорор бородууксуйатын, минньигэс шашлыгын атыылаан дьон махталын ылла.
Соморсуннар кырдьаҕастыын эдэрдиин ыҥырыыны ылынан, сахалыы таннан, ис сүргэлэрэ көтөҕүллэн бэйэлэрин куоластарын биллэрдилэр.
“Быыбар хамыыһыйатын үлэтэ этэҥҥэ баран иһэр, дьон кыттыыта да куһаҕана суох. Сарсыҥҥы күҥҥэ эмиэ көхтөөхтүк кыттыахтара диэн эрэнэбит. Атын сиргэ олорооччу биир дойдулаахтарбыт бэйэлэрин куоластыыр бырааптарын туһанан, эрдэ сайабылыаньаларын Госуслуги портал нөҥүө биэрэн кытталлар. Ол курдук Казахстантан, Хабаровскайтан тиийэ кытталлар. Билигин, промышленноска үлэлии сылдьар дьоммут, миэстигэр быыбардаабыттарын үрдүнэн испииһэккэ сурулла сылдьаллар. Олору чопчулаһабыт”,- быыбар хаамыытын хамыыһыйа бэрэссэдээтэлэ Мария Лебедева сырдатар.
Соморсуммут дьоно-сэргэтэ хаалбыт бүтэһик күҥҥэ дойдубут бигэ туругун туһугар, өрөспүүбүлүкэбит, улууспут, нэһилиэкпит сайдыытын, кэскилин түстэннэр бары биир сананан быыбарга кыттыахтара диэн эрэнэбит.
Надежда Белолюбская.