Сулҕаччы олохтоох дьаһалтатын көҕүлээһининэн үгэс буолбут кыһыҥҥы субуотунньук муус ылыытыгар ананна. Барыта 16 киһи кэлэн, киэһэ хойукка дылы тигинэччи үлэлээн, тиритэн-хорутан ып-ыраас өрүс мууһун аадырыстаах дьонугар тиэртилэр.
Баһылык Артем Германович Степанов , ыччаты кытта үлэҕэ уонна спортка исписэлиис Дмитрий Дмитриевич Гоголев салалталарынан күүстэх үлэ ньиргийдэ. Массыыналаах уолаттар Илья Степанович Владимиров, Роман Николаевич Неустроев, Роман Алексеевич Иванов испииһэккэ киирбит ыалларга мууһу тиэйэн, сааһылаан, тиэрдэн биэрдилэр. Онон муус ылар дьоно суох соҕотох кырдьаҕастар, тыыл бэтэрээннэрэ, анал байыаннай дьайыыга кытта сылдьар биир дойдулаахтарбыт төрөппүттэрэ үтүө дьыалаҕа кыттыбыт нэһилиэкпит эр дьонноругар махтал тылларын эттилэр.
Елена Попова.