Саха Өрөспүүбүлүкэтин маҥнайгы Бэрэсидьиэнэ, РФ Федеральнай мунньаҕар Федерация сэбиэтин бэрэссэдээтэлин солбуйааччы, РФ Үрдүкү мунньаҕын Государственнай Дума VI-с ыҥырыылаах мунньаҕын депутата, Судаарыстыбаннай сүбэһит, «Человек тысячилетия» бириэмийэ лауреата, СӨ бочуоттаах олохтооҕо, сахалар киэн туттар ытык киһибит, дьиҥнээх патриот, салайааччы Михаил Ефимович Николаев төрөөбүт сэтинньи 13 күнүгэр билиини-көрүүнү биэрэр бэртээхэй тэрээһиннэр Сулҕаччытааҕы култуура киинин саалатыгар буоллулар.
Кэлбит дьон бастатан туран «Я благодарен своему народу» диэн документальнай – художественнай киинэни сэҥээрэ көрдүлэр.
Ол кэннэ “Саха сирин чулуу уола” М.Е. Николаев олоҕун, үлэтин кэпсиир өй — билии викторината ыытылынна.
Тургутук кыайыылаахтара – И.И. Константинов — Дэлэгээт Уйбаан аатынан Сулҕаччы орто оскуолатын 6-с кылааһын үөрэнээччитэ Алиана Андросова, 5-с кылаас үөрэнээччитэ Диана Оконешникова, 9-с кылаас үөрэнээччитэ Амгаяна Максимова, 5-с кылаас үөрэнээччитэ Марат Данилов, 5-с кылаас үөрэнээччитэ Виолетта Неустроева, 5-с кылаас үөрэнээччитэ Афоня Носов юастакы бэрэсидьиэн олоҕун, үлэтин туһунан билиилэрэ киэҥин итэҕэттилэр.
Сэргэх тэрээһини Д. Наумов аатынан Сулҕаччы библиотекатын кылаабынай бибилэтиэкэрэ Елена Васильевна Попова, Х. Максимов аатынан Сулҕаччытааҕы культура уонна сынньалаҥ киинин үлэһиттэрэ Мария Андреевна Дьячковская, Платон Николаевич Пудов иилээн-саҕалаан ыыттылар.
Елена Попова.