Субуота күн “Дружба” спортивнай комплекска нэһилиэктэр икки ардыларыгар биирдиилээн уонна хамаанданан бастыыр иһин теннис күрэҕэ бэрт тыҥааһыннаахтык буолан ааста. Бу күрэхтэһии нэһилиэктэр ортолоругар ыытыллар комплекснай спартакиадаҕа учуоттананар буолан бары да ох курдук оҥостон киирбиттэр. Улуустааҕы спорт уонна физическэй култуура управлениета иһитиннэрбитинэн күрэхтэһиигэ уопсайа 13 нэһилиэктэн 106 кыттааччы киирэн бастыҥы быһаарыстылар. Нэһилиэктэртэн Покровка эрэ нэһилиэгэ кыттыыны ылбатах. Дьэ түмүгү кытта билсиэҕиҥ.
Теннискэ күрэх 6 саастарынан категорияҕа араарыллан ыытыллынна. Онон эдэриттэн эмэнигэр диэри бары кытыннылар. Ол курдук эр дьон 18-35-гэр, 36-59-гар, 60 уонна онтон үөһээ саастарыгар диэри, дьахталлар 18-35-гэр, 36-49 -гар, 50 уонна онтон үөһээ саастарыгар диэри.
Хамаанданан түмүккэ Эмис нэһилиэгэ пъедестал үрдүк үрдэлигэр таҕыста. Иккис миэстэ Амма уонна үһүс миэстэ Бөтүҥ нэһилиэктэрэ буоллулар. Манан кинилэр бэйэлэригэр олус наадалаах очколары суруннулар.
Салгыы нэһилиэктэр хаһыс миэстэлэри суруммуттарын билсиэххэ. Ол курдук күрэхтэһии боротокуолугар киирбитинэн 4-с миэстэр Абаҕа, 5-с Сулҕаччы, 6-с Амма Наахара, 7-с Соморсун, 8-с Болугур, 9-с Алтан, 10- с миэстэ Сатаҕай, 11-с Чапчылҕан, 12-с Чакыр уонна 13-с миэстэ Мээндиги нэһилиэгэ таҕыстылар.
Онтон биирдиилээн күрэхтэһии хайдаҕый? Манна 18 – 35-гэр диэри саастаах эр дьоҥҥо I миэстэ Максим Семёнов (Амма), II миэстэ Степан Константинов (Эмис), III миэстэ Семен Степанов (Бөтүҥ), 36 — 59 саастаахтарга I миэстэ Николай Афанасьев (Амма), II миэстэ Юрий Ноговицин (Эмис), III миэстэ Константин Слепцов (Амма), 60 уонна онтон үөһээ саастаахтарга I миэстэ Анатолий Ксенофонтов (Сулҕаччы), II миэстэ Валентин Николаев (Эмис), III миэстэ Петр Устинов (Абаҕа). Онтон дьахталларга 18 – 35-гэр диэри I миэстэ Айыына Петрова (Амма), II миэстэ Анастасия Кочаткина (Бөтүҥ), III миэстэ Ирина Нестерева (Абаҕа), 36-49-гар диэри саастаахтарга I миэстэ Ида Назарова (Бөтүҥ), II миэстэ Күннэй Елисеева (Сатаҕай), III миэстэ Лилия Артемьева (Амма), 50 уонна онтон үөһээ саастаахтарга I миэстэ Анастасия Степанова (Эмис), II место Мария Тинмей (Амма), III миэстэ Лидия Пестерева (Амма).
Күрэхтэһээччилэри улуус баһылыгын социальнай боппуруостарга солбуйааччы Нюргуяна Илларионова, спорт уонна физическэй култуура управлениетын салайааччыта Дмитрий Наумов уонна улуустааҕы теннис федерациятын бэрэссэдээтэлэ Константин Слепцов эҕэрдэлээтилэр.
“Амма олоҕо” хаһыат