Амматааҕы ойуур хаһаайыстыбатын лесничэйэ Николай Иванов иһитиннэрбитинэн, от ыйын 28 күнүнээҕи туругунан Амма улууһугар 18А нүөмэрдээх биир ойуур баһаара Амма Наахара нэһилиэгин территориятыгар Лээгиттэн 44 км чугас сиргэ бэлиэтэннэ.
Бэҕэһээ сарсыарда 10:25 чаас ааһыыта булуллубута. Баһаары умуруорууга тутатына 31 киһи үлэлии тиийбиттэрэ. Бэҕэһээ күүстээх тыаллаах күн буолан, баһаар иэнэ бүгүн 60 гектарга тэҥнэстэ, ол иһигэр биэс гектар тыа үөһэтинэн умайар, — диэн Николай Григорьевич иһитиннэрэр.
“Амма олоҕо” хаһыат