Амма Наахара нэһилиэгэр түөлбэнэн үлэ бэрт тэрээһиннээхтик барар. Нэһилиэк дьоно барыга көхтөөх буоланнар күрэхтэри олус сэҥээрэллэр.
Манна спорду өрө туппут дьон үгүс буоланнар Мария Заборовская дириэктэрдээх спорт саалатыгар сыллата араас дьарыктар ыытыллаллар.Аҕыйах хонуктааҕыта түөлбэлэр икки ардыларыгар бильярд күрэҕэ буолан ааста.
Түөлбэлэртэн икки эр киһи биирэ 50 сааһыттан үөһэ, биирэ эдэр уонна биир сааһыттан тутулуга суох кэрэ аҥар күөн көрүстүлэр. «Маяк» түөлбэттэн Прокопий Пахомов, Никита Макаров, Екатерина Унарова «Кэскил» түөлбэттэн бастакв хамаандаҕа Спиридон Никифоров, Павел Пахомов, Ольга Устинова, иккис хамаандаҕа Валерий Гаврильев, Николай Гаврильев, Сардаана Лебедева кытыннылар. «Аргыс» маҥнайгы хамаандатыгар Павел Пахомов, Захар уонна Людмила Александровтар, иккис хамаандатыгар Владислав Константинов, Дмитрий Филиппов Марина Макарова киирэн түөлбэлэрин көмүскээтилэр. «Сайдам» түөлбэ бастакы хамаандатыгар Николай Гермогенов, Данил Макаров, Мария Заборовская, иккис хамаандатыгар Борис Слепцов, Евгений Пахомов, Анна Аллагузина киирдилэр.
Уһун тыҥааһыннаах күрэх кэнниттэн «Сайдам-1» кыайыылаах таҕыста. «Кэскил-1» иккис, «Маяк» үһүс миэстэ буоллулар. Биирдиилээн бэтэрээннэргэ Борис Слепцов бастакы, Николай Гермогенов иккис, Владислав Константинов үһүс миэстэни ыллылар. Онтон эр дьоҥҥо Павел Пахомов маҥнайгы, Никита Макаров иккис, Николай Гаврильев үһүс миэстэҕэ таҕыстылар. Кэрэ аҥардарга Мария Заборовская кыайыылаах үрдүк аатын сүктэ. Иккис миэстэҕэ Ольга Устинова, үһүскэ Людмила Александрова тахсан түөлбэлэригэр наадалаах очколары аҕаллылар. Инникитин дуобат, хабылык, хаамыска, сыал ытыыта буолара күүтүллэр. Маннык түмсүү, иллэҥ кэми туһалаахтык атаарыы, төрөппүт барыга актыыбынай көрүүлээҕэ бэйэбит холобурбутунан оҕону иитии сүрүн хайысхабыт буоларын умнумуоҕуҥ.
Ирина Корякина – Олесова.