Уопсастыбаннай Сэбиэт чилиэннэрэ дастабырыанньалары туттулар

СӨ ИДьМ Амматааҕы отделениетын иһинэн уопастыбаннай Сэбиэт саҥа састааба талыллан бүгүн дастабырыанньалары туттулар. Ис дьыала отделыгар Сэбиэт чилиэннэрин кытта ИДьО начальнига Василий Стрекаловскай, улуус борокуруора Михаил Николаев, Амма улууһун баһылыгын социальнай боппуруостарга солбуйааччы Нюргуяна Илларионова, ону кытта отделение сотрудниктара көрүстүлэр.

“Ис дьыала отделын иһинэн уопсастыбаннай Сэбиэт үлэлээбитэ ыраатта. Үс сылга талыллаллар. Быйыл састаап саҥардыллыбыта.  Сэбиэт  6   чилиэннээх.  Манна быраабы араҥаччылыыр үлэҕэ уопуттаах,  уопсастыбаннай  үлэҕэ  көхтөөх  дьон киирэллэр. Кинилэр бары

бүгүн өрөспүүбүлүкэ ИДЬМ миниистирин э.т. Василий Климов илии баттааһыннаах дастабырыанньаны туттулар. Биһиги үлэбит улууска буруйу оҥоруу аччыырыгар, сэрэтэр үлэ күүһүрдэргэ, полиция сотрудниктарыгар күүс-көмө, сүбэ-ама буоларга туһуланар. Отдел ааспыт сыллааҕы отчуотугар сылдьан санаабытын эттибит. Ыытыллар үлэҕэ сэрэтэр үлэ мөлтөхтүк барара бэлиэтэнэн, үлэ манна күүскэ туһуланыа”, — диэн уопсастыбаннай Сэбиэт бэрэссэдээтэлэ, ис дьыала отделын бэтэрээнэ, отставкаҕа олорор подполковник Николай Гоголев санаатын үллэһиннэ.

 

“Амма олоҕо” хаһыат

Читайте дальше