Амма Наахара нэһилиэгэр Кыайыы күнүгэр анаммыт түөлбэлэр икки ардыларыгар төрүт ох саанан ытыы күрэҕэ бэрт сэргэхтик ааста. Түөлбэттэн кыттыбыт охчуттар 20 уонна 25 миэтэрэттэн куобаҕы, куһу, тииҥи ыттылар.
Күрэххэ барыта 18 охчут кытынна, түөлбэлэртэн бастыҥ көрдөрүүлээхтэр миэстэҕэ тигистилэр.
Куобахха биир очко, куска икки очко, тииҥҥэ үс очко ааҕылынна. Түөлбэлэр охчуттарын булан көхтөөхтөрүн көрдөрдүлэр. Уопсай түмүккэ Данил Макаров салайар «Сайдам» түөлбэттэн Анна Аллагузина, Данил Макаров инники тахсан кыайыы өрөгөйдөннүлэр. Иккискэ Матрена Романова салайар «Кэскил» түөлбэтиттэн Мария Яковлева, Артем Тарабукин буолан үөрүүлэрэ улахан. Людмила Александрова салайар «Аргыс» түөлбэттэн Людмила Александрова, Александр Лебедев үһүс буоллулар. Онтон Февронья Иванова салайар «Маяк» түөлбэттэн Екатерина Унарова, Леонид Мартынов кыттан төрдүс миэстэни ыллылар.
Элбэх киһини түмпүт Кыайыы күнэ кыайыы көтөллөөх, тымныы тыаллаах да буоллар сылаас сыһыаннаах үтүөкэн эйгэнэн угуттаата. Нэһилиэктэн элбэх киһи бу спорт көрүҥүн сэргиирэ биһирэннэ.
Ирина Коряина — Олесова.