«Идэһэ-2024» тэрээһин ыалдьыттарыгар Н.Е. Иванов аатынан Бөтүҥ агрохайысхалаах орто оскуолата бэйэ оҥорон таһаарбыт бородууксуйатын атыыга таһаарда. Москуба куоракка үрдүк хаачыстыбатынан кыһыл көмүс мэтээлинэн бигэргэммит бэлимиэннэри, саҥа эбиэстэн утаҕы уонна бороһуокка кубулуйбут витрасс эбиэһи үүннэрэн, хатаран оҥорбут бороһуогу дьон-сэргэ хамаҕатык атыыластылар.
Бу күн оскуола иһинэн бизнес-инкубатор резиденнара бэйэлэригэр үп-харчы киллэрэн атыы-эргиэн эйгэтигэр сыстан, атыыһыт сатабылын, атыылаһааччыны кытта кэпсэтэри, ааҕарга-суоттуурга холоннулар. Дьон-сэргэ сэҥээриитин ылан үөрүүлэрэ үрдээтэ, бэйэлэригэр бэрт элбэҕи ыллылар, үөрэннилэр диэн астынныбыт.
Сылын аайы идэһэҕэ бэлэмнэнэн үөрэнээччилэрбититтэн саҕалаан бүттүүн коллективынан ыытыллар субуотунньукка өйөбүл-тирэх буолар дьоммутугар уонна атыылаһааччыларбытыгар махтанабыт.
Мария Иванова.