Кулун тутар 26-28 күннэригэр Улуу Кытай Яньзинь, Хуньчунь куоратыгар «Ритмы дружбы» X норуоттар икки ардыларынааҕы бэстибээл-куонкуруска Амма улууһун Болугур нэһилиэгин Платонова Евдокия Васильевна салайааччылаах «Арылхан» фольклорнай бөлөҕө Гран при үрдүк ааты уонна Амма улууһун Абаҕа нэһилиэгин Борисова Оксана Васильевна салайааччылаах «Эрэл» үҥкүү ансаамбыла 1 истиэпэннээх Лауреат үрдүк ааты ылан үөрүүбүт муҥура суох.
Бу фестиваль үрдүк таһымҥа 10-с төгүлүн ыытыллан араас дойдуттан элбэх кыттааччы оҕолор да, улахан дьон да кэлэн күөн көрүстүлэр. Күрэх 10 көрүҥүнэн ыытылынна, биһиги оҕолорбут саха бастыҥ үстүрүмүөнүгэр хомуска айылҕаларын хоһуйан оонньоотулар, Үрүҥ Тунах ыһыахпытын хоһуйан үҥкүүгэ тиһэн үҥкүүлээтилэр, дойдубутун Саха сирин видео оҥорон нүөмэрбитин кытта көрдөрөн, дьон-сэргэ, дьүүллүүр сүбэ олус сэргээтилэр, сөхтүлэр.
Видеобутун, музыкабытын устан, таҥан оҥорбут Вячеслав Дьячковскайга, Саргылана Яковлеваҕа махтал буоллун. Кыттааччылар бары даҕаны олус талааннаах, баҕалаах оҕолор араас ырыаны, үҥкүүнү, араас үстүрүмүөҥҥэ оонньоон, муода көрдөрөн, уруһуйдаан, компьютернай графика, норуот уус-уран оҥоһуктарын оҥорон күрэхтэстилэр. Күрэҕи тэрийээччилэр 2 тыһыынчаттан тахса кыттааччыны барыларын араара тутан, бириэмэтин аттаран сүрдээх үчүгэйдик кытыннардылар. Оҕолорбут атын дойдуну көрөн, кыттан, дьону кытта алтыһан, сайдан иһэллэриттэн олус үөрэбит, махтанабыт. Барҕа махталбытын тиэрдэбит Владивостокка олорор Саха кыыһыгар, туроператор Виленаҕа, ыйан — кэрдэн, олус үчүгэйдик маанылаан илдьэ сылдьыбытыгар махтал улахана буоллун. Уопсайа 25 буолан сырыттыбыт. Турбутугар Хуньчунь , Яньцзи куораттарга экскурсияҕа стеклянный мост, горячий источник, вечерний Хуньчунь уонна киэһээҥҥи аһылыкка сылдьан олус диэн астынныбыт.
Улахан ситиһиибитигэр күүс — көмө буолбут М.А. Ноговицын аатынан култуура киинин дириэктэригэр Кузьмина Ульяна Юдовнаҕа, сырыыбытыгар автобуһунан хааччыйбыт Е.Е. Пахомов аатынан Болугурдааҕы орто оскуола дириэктэригэр Филиппов Петр Михайловичка, Абаҕатааҕы А.Е.Кралин аатынан орто оскуола дириэктэригэр Александрова Людмила Кимовнаҕа, күүс-көмө буолан барса сылдьыбыт төрөппүттэрбитигэр Макарова Анна Петровнаҕа, Калашникова София Прокопьевнаҕа, бу уһун айаҥҥа тэҥҥэ сылдьыспыт кулууп специалиһыгар Роман Митиненкаҕа уонна оҕолорун өйөөбүт, оҕолоро сайдарын сөпкө аҥааран көрөр төрөппүттэрбитигэр барыгытыгар махталбытын салайааччылар ааттарыттан тиэрдэбит. Бу ситиһиилээх сырыыбытыгар Влаливостокка тиийбиппитигэр көрсөн, туох баар таһаҕаспытын тиэйэн хонор сирбитигэр тиэрдибит биир дойдулаахпыт, таксист уолбутугар Арсен Андреевка, төрөпүппүтүгэр Руслан Смирниковка туспа улахан махтал буоллун.
Евдокия Платонова.