Амма эдэр тустууктара ситиһиилээхтик кииристилэр

Дьокуускай куоракка «Модун» спортивнай комплекска оҕолорго биирдиилээн уонна хамаанданан бастыыр иһин греко-римскэй тустууга турнир буолан ааста. Турнирга өрөспүүбүлүкэ 21 улууһуттан кэлэн эдэр спортсменнар күөн көрүстүлэр.


Күрэх Амматтан сахалартан бастакы СССР спордун маастара Д.Г. Максимов аатынан буолла. Турнирга 2008-2010 сыллаах төрүөх уолаттар кииристилэр. Манна Амма улууһун хамаандатын Н.С. Захаров -Сахаачча аатынан оҕо спортивнай оскуолатын тустууга тренердэрэ Степан Скрябин уонна Кирилл Павлов салайан сырыттылар. Барыта 21 улуустан 256 кыттааччы кэллэ. Түмүккэ Амма улууһун хамаандата бэһис миэстэни ылары ситистэ. Ол курдук бастакы миэстэ Мэҥэ Хаҥалас, иккис Нюрба, үһүс Уус Алдан, төрдүс Чурапчы хамаандалара буоллулар. Онтон биирдиилээн киирсиигэ 42 кг Попов Давид уонна Егоров Мичил үһүс, 45 кг Павлов Иван 5 миэстэ, 51 кг. Андросов Максим уонна 80 кг Евсеев Никита чемпион үрдүк аатын ситистилэр. Бу турнир «Спортивные якутяне» диэн үөрэнээччилэр спартакиадаларын зачетугар киирэр. Онон оҕолорбут Дальний Востокка буолар турнирга өрөспүүбүлэкэбит чиэһин көмүскүүргэ путевка ыллылар.

Эдэр тустууктарбытын, тренердэри эҕэрдэлиибит уонна өссө салгыы ситиһиилэри баҕарабыт.

«Амма олоҕо» хаһыат

Читайте дальше