Амма лиссиэйин 4 «б» кылааһын үөрэнээччилэрэ кылаас салайааччытын Абрамова Саргылана Петровнаны кытта Олоҥхо сылыгар «Олоҥхо устун айан» айар бырайыактарын олоххо киллэрдилэр.
Ол курдук, О.П.Иванова-Сидоркевич аатынан Амматааҕы Айар сайдыы киинин эбии үөрэхтээһинин педагога Колосова Ньургуйаана Михайловна куруһуогар аар-саарга аатырбыт П.А.Ойуунускай «Дьулуруйар Ньургун Боотур» олоҥхотун геройдарын тааска ойуулаан, пластилинынан сыбаан хартыыналары оҥордулар.
Бырайыакка кылаас үөрэнээччилэрэ бука бары кытыннылар. Оҕолор учууталларын, төрөппүттэрин кытта кэскиллээх бырайыактара аны быыстапка буолан турарын долгуйа күүтэллэр.
Наталия Рязанская.